रांजणगाव गणपती मंदिर हे पुण्यापासून सुमारे 50 किलोमीटर अंतरावर शिरूर तालुक्यात आहे. Mahaganpati Mandir महागणपती मंदिर हे रांजणगाव या शहरात असून ते एक प्रसिद्ध हिंदू मंदिर आहे. हे मंदिर भगवान श्री गणेशाला समर्पित आहे. हे महाराष्ट्रातील अष्टविनायकापैकी एक मंदिर असून हे हिंदूंसाठी एक महत्त्वाचे तीर्थक्षेत्र मानले जाते. मंदिराचा समृद्ध इतिहास, प्रभावी वास्तुकला आणि धार्मिक महत्त्व यासाठी हे मंदिर ओळखले जाते. हे मंदिर अष्टविनायकातील आठवा गणपती म्हणून ओळखले जाते.
Mahaganpati Mandir महागणपतीचे मंदिर हे प्राचीन हिंदू मंदिर स्थापत्य कलेचे उत्तम उदाहरण आहे
रांजणगाव येथील श्री महागणपतीचे मंदिर पूर्वाभिमुख असून मुख्य रस्त्यावर उजवीकडे आहे. मंदिरात दिशा साधन केले आहे. दक्षिणायन आणि उत्तरायण यांच्या मध्य काळात सूर्याची किरणे मूर्तीवर पडतील अशी मंदिराची वैशिष्ट्यपूर्ण बांधणी केली आहे. या मंदिराचे बांधकाम नव्या व दहाव्या शतकातील आहे. मंदिरात असलेली मूर्ती ही दर्शनी मूर्ती आहे. मूळ मूर्ती ही तळघरात ठेवलेली आहे. हा गणपती नवसाला पावतो अशी भाविकांची श्रद्धा आहे.
पुढे वाचा –
| Chandra : चंद्र एक नैसर्गिक उपग्रह | https://mpsc.pro/chandra/ |
| Chandra Grahan : चंद्रग्रहण-सृष्टीचा नियम | https://mpsc.pro/chandra-grahan/ |
| Jagatil Saat Khand : जगातील सात खंड | https://mpsc.pro/jagatil-saat-khand/ |
मंदिराला एक सुंदर लाकडी दरवाजा आहे. ज्यामध्ये भगवान गणेश आणि इतर देवतांच्या प्रतिमा कोरलेल्या आहेत. मंदिरात एक प्रशस्त सभामंडप आहे आणि गर्भग्रह आहे जिथे गणपतीची मूर्ती ठेवली जाते. सभा मंडपातून आत गेल्यावर गाभाऱ्यात गणेशाची डाव्या सोंडेची आसन घातलेली रेखीव मूर्ती आहे. मूर्तीचे कपाळ रुंद असून दोन्ही बाजूंना रिद्धी व सिद्धी आहेत. या मूर्तीच्या खालच्या बाजूला तळघर आहे. तळघरात महागणपतीची अजून एक लहान मूर्ती आहे. ही गणपतीची मूळ मूर्ती असून तिला दहा सोंडा व वीस हात आहेत असे सांगतात. मूळ मूर्तीला महोत्कट असे म्हणतात.
महागणपती मंदिर हे हिंदूसाठी विशेषतः भगवान गणेशाचे एक महत्त्वाचे तीर्थक्षेत्र आहे. असे म्हणतात की, हे मंदिर त्या जागेवर बांधले गेले होते जेथे, भगवान श्री गणेशाने त्रिपुरासुर राक्षसाचा पराभव केला. असे म्हणतात की, मंदिरात पूजा केल्याने अडथळे दूर होतात आणि यश, समृद्धी आणि सौभाग्य प्राप्त होते.
गणेश चतुर्थी सारखे सण मंदिरात मोठ्या उत्साहाने सण साजरे केले जातात.